Balita Hiligaynon

Talisay PNP photo Patay ang 76 anyos nga si Romulo Espenido matapos ini gin kastigo sang iya mismo anak sang Sabado sa Barangay Concepcion sa Talisay City. Sa imbestigasyon sang Talisay PNP, gina masahe lang sang amay ang 33 anyos anak nga si Julius Roy sang maghambal ang anak nga nagalain ang iya pamatyag gilayon niya na lang ginkuga ang iya amay kag ginlampusan sang bato sa ulo nga ginkamatay ni Romulo. Nagpanago ang suspek sa likod sang pertahan kun sa diin sya naaresto sang kapulisan. Dugang pa sang pulis, ang suspek ang may nervous breakdown kag ila pa usisaon kun may background ini sa pag gamit sang iligal nga droga. Detained man karon ang anak sa Talisay PNP.

Murcia PNP photo Pilason ang anay Sanguniang Bayan member sang Don Salvador Benedicto nga si Eddie Ceralbo matapos ini tiruhon sang Sabado sa Barangay Abu Abo sa banwa sang Murcia. Sa imbestigasyon sang Murcia PNP, sakay sa iya nga pickup ang biktima sang siya ang gintiro sang duha ka persona sakay sa motorsiklo. Ang biktima ang may igu sang bala sa iya liog. Duha ka empty shell sang caliber 9mm ang nakuha sa crime scene. Padayon nga ginabulong sa ospital ang biktima. Gina hibalo man sang pnp kun ano ang motibo sa pag luthang sa iya.

Mga awards nga nabaton sang probinsya lakip na ang performance sang tagsa ka departamento ang gin-highlight sang gobernador sa new year message sini. Isa ka thanksgiving mass ang ginsakdag sang kapitolyo probinsyal sa imbukada sang bag-ong tuig. Suno kay Negros Occidental Governor Eugenio Jose Lacson, labing ginapasalamatan ang Makaako sa panibag-o nga tuig kag sa bag-o nga panugod. Sa mensahe sang gobernador sa mga empleyado sang gobyerno probinsyal, daku man ang pagpanghangkat nga na atubang sang 2021 sa gihapon tigayon nadul-ong sa mga pumuluyo ang mga serbisyo kag programa santo sa laye kag sa development agenda. Nagsugod ang 2021 sa pagbaha sa third district kag nagtapos ini sa paglaslas ni bagyo odette sa sur sang Negros Occidental kag naga pabilin ang pandemic, pero...

Sa pihak sang tuigan nga kampanya sang Department of Health, wala gihapon napaiway ang kadamuon sang mga nasamaran sa pagsug alaw sang tuig 2022. Sa record sang Corazon Locsin Montelibano Memorial Regional Hospital may katorse tanan ka mga pasyente ang gindala sa ila ospital tuga sang firecracker related incident sa pagtakop sang tuig 2021. Kalabanan sa mga nasamaran mga menor de edad. Base naman sa record sang Negros Occidental Police Provincial Office naglab ot sa 20 ang mga nasamaran sang palupok. Onse sa ila mga menor de edad. 17 ang gikan sa napulo ka mga banwa kag siudad sang probinsya kag tatlo naman sa Bacolod. Suno sa PNP wala sang na record nga insidente sang indiscriminate firing.

Sunod-sunod na ang pag panaog sang Covid-19 cases sa Negros Oriental nga karon double digit na lang ang active cases. Duha ka bulan lang ang nagligad, yara pa sa masobra tres mil ang active cases sa Negros Oriental, pero bangud sang padayon nga vaccination sa tagsa ka mga LGUs. 57 na lang ang active cases karon sa bug-os nga probinsya. Sa datos sang provincial IATF, pito lang ka kaso ang nadugang sa Negros Oriental humalin Disyembre 25 tubtob 27. Masobra 85% naman karon sa target population sang probinsya ang nabakunahan na. Pero bisan pa nag panaog na ang kaso, gin pahayag naman sang IATF nga indi sa gihapon mag kumpyansa ilabi na karon nga holiday season kag kinahanglan nga i-practice sa gihapon ang minimum health protocol.

Hinigaran BFP photo Ang duha ka mga pilason mga linemen sang Iloilo 2 Electric Cooperative Incorporated ukon ILECO 2. Nasamaran sila matapos matumbahan sang gina kay-o nga poste sa Barangay Pilar sa banwa sang Hinigaran. Suno sa Hinigaran Bureau of Fire Protection nga isa sa mga nag patigayon sang rescue, napatindog na sang duha ang poste kag ila na ginakay-o ang limya kuryente sang matumba. Upod sa pag tumba ang duha ka linemen kag lunsay nasamaran ang ila nga mga butkon. Nadala man sila sa ospital kun sa diin sila karon padayon nga gina bulong.

Nag pa gwa na ang Bacolod City Police Office sang listahan sang mga lugar sa tagsa ka mga barangay kun sa diin lang pwede maka palupok ang publiko. Ini amo ang community fireworks display area. Kada barangay ang may tig isa tubtob lima ka mga fireworks display area nga mahimo kadtuan sang mga pumuluyo kun ila luyag nga mag palupok sa pag sug-alaw sang bag-ong tuig. Gin pahayag man ni Police Lt Col Sherlock Gabana, spokesperson sang BCPO, nga sarang makasuhan ang mga pumuluyo nga mag palupok sa ila ugsaran ukon sa gwa sang fireworks display area. Kun mahimo man suno kay Gabana, likawan na lang ang pag gamit sang palupok agud malikawan ang disgrasya kag sunog.

Talisay CDRRMO photo Patay ang 24 anyos nga si Mark Joshua Mendez nga supervisor sa isa ka poultry farm matapos makabunggo sa awto ang iya sini ginadala nga motorsiklo kahapon sa Bacolod-Silay Airport Access Road sa bahin sang Talisay. Suno sa traffic investigator nga si Police Master Sergeant Jade Dela Cruz, gina alegar sang driver sang awto nga nag overtake ang motorsiklo ni Mendez sa iya ginasundan kag nag agaw sa lane sang awto amo kun ngaa nag head on collision sila. Gindala pa sa ospital si Mendez pero ini ang gin deklarar man nga dead on arrival. Gindetain man sa Talisay PNP ang driver sang awto.

Exemption para sa ginapatuman nga price freeze sa mga basic commodities ang ginahinyo sang mga manugbaligya sang utan. Nalakip ang mga utan kag kararuton sa mga basic commodities nga hugot nga ginabantayan sang Local Price Monitoring Council kadungan sang ginapatuman nga price freeze sa idalom sang state of calamity. Pero suno kay Ernie Pineda, pamuno sang Price Monitoring Unit, nag ayo ang grupo sang mga vegetable vendors sa mga merkado sang siduad nga kuntani ma-exempt sila sa price ceiling. Ini bangud magluwas nga perishable ang mga utan kag kararuton, naga base man ang presyo sang ila produkto sa supply nga nagalab-ot sa merkado. Panugyan sang council sa mga vegetable vendors nga mag-submit sang request sa Department of Agriculture nga amo ang magahatag sang desisyon d...

Moises Padilla PNP photo Ginkilala ang mag ulutod nga sanday Armando, Ben kag Reynante Carpentero. Napatay sila bangud sang ila away pamilya sa Barangay Inolingan sa banwa sang Moises Padilla. Sa imbestigasyon sang PNP, may yara sang pag dumtanay ang mag utod bangud sa away sa duta. Ginsulong suno sa pulis sang mag utod nga Ben kag Reynante nga lunsay naka inom Sang Lunes ang ila sini magulang nga si Armando kag gin tiro. Matapos matiruhan, nahimo pa nga sundan sang magulang ang duha ka manghod kag iya na ini nga gin pang buno tubtub mapatay. Sa wala madugay natumba man si Armando bangud sang igu sang bala nga iya man gin kamatay. Ginpahayag man sang pulis nga may diperensya sa paminsaron ang magulang kag gina alegar nga iya man ini damlag pa ginsakit ang ila sini ilo...

Capitol photo 60.37 percent sa 1.8 million nga target mabakunahan sang Negros Occidental ang nakabaton sang at least one dose sang bakuna. Naigo man ang probinsya ni Bagyo Odette nga nag apekto man sa vaccination program ilabi na sa sur nga bahin sang negros occidental, naga pati si Dr Ernell Tumimbang nga sa gihapon malab-ot sang Negros Occidental ang target sini nga herd immunity. May 713,829 pa ang wala nadapatan sang bisan isa ka dose sang Covid-19 vaccine base sa pinaka ulihi nga accomplishment report sang Negros Occidental. Damlag pa ginsiling ni Governor Eugenio Jose Lacson nga sa Pebrero ang target date. Suno kay Tumimbang kun tayuyon na man lang kag wala sang may matabo liwat kasubong sang bagyo odette, malambot ang target. Importante man nga ma-step up ang baku...

Pag-administer sang booster dose ang maka-isa lang anay ka beses sandig sa rekomendasyon sang Health Technology Assessment Council ukon HTAC suno sa City Health Office. Ginpanubuan na ang binulan nga interval para sa mga nagapabakuna para sa booster dose. Pero ginsiling ni Dr. Edwin Miraflor, officer in charge sang City Health Office nga maka-isa lang anay ka beses ang booster dose. Ginahaylo niya man ang pag-administer sang isa lang ka brand sang Covid-19 vaccine ilabi na para sa mga wala makapabakuna kontra sa virus. Samtang sumugod sa Huwebes, wala anay sang vaccination sa mga malls kag pati na sa mga kabarangayan. Magabalik ang operation sang mga vaccination centers sa Enero 3.

Valladolid PNP photo Naghalad sang bulak ang mga manunudlo kaupod ang mga lokal nga opisyales sa monumento ni Dr. Jose Rizal kaina sang aga. Kabahin ini sang pagdumdom sang ika 125 nga Rizal Day celebration sa Rizal Park sa dalan araneta. Ang katapo sang Valladolid police ang nagpatigayon man sang seremonya kag naghalad man sang bulak sa monumento ni Rizal sa sulod sang public plaza. December 30, 1896 sang ginpatay si Rizal sa edad nga 35 anyos pinaagi sa firing squad sa Bagumbayan Field nga karon Luneta Park sa Manila. Siya ang gin-akusahan sang political conspiracy, sedition kag rebellion kontra sa Spanish government. Pila pa ka mga siudad kag banwa ang nagpatigayon wreath laying ceremony para sa ginakabig national hero nga ginhalad ang kabuhi bangud sang iya pagpalang...

Siudad sang Bacolod ang naka record sng 16 ka bag-o nga kaso sang Covid-19 kahapon, Disyembre 29. Pito naman ang new cases nga na record sang Negros Occidental. Damlag pa nag pahayag na sang iya nga kabalaka si Vice Mayor El Cid Familiaran kasunod sang na record nga 16 ka bag-o nga Covid-19 cases. Ginsulit niya ang panawagan sa mga kabarangayan sang pag pabaskog sa monitoring kag pagpatuman sang minimum health protocol. Si Negros Occidental Governor Eugenio Jose Lacson naman, nag panawagan nga sa tunga sang pag saulog sang bag-ong tuig, kinahanglan ang kooperasyon sang tanan. Dapat ang mga Negrense indi mag kalipat nga yara sa gihapon ang virus rason nga indi mag kumpiansa kag magpadayon sa pag gamit sang face mask kag magsunod sa physical distancing kag iban pa nga health pr...