Balita Hiligaynon

Indi mabatas sang PE teacher ang nakita nga video sa ila nga group chat angut sa estudyante nga nakabakal sang fried chicken nga gina ulod na. Gani nangisog siya nga i share ini sa iya nga Facebook account. Ang estudyante sa video ang gikan sa isa ka elementary school sa Barangay Montevista. Suno kay Punong Barangay Glo-ann Tambasen, iloy sang estudyante ang nakabakal sang fried chicken halin sa nagalibod nga kariton sa gwa sang Libertad Public Market. Ang amo nga video ang ginpakita sang Digicast Negros kay Dr.Carmela Gensoli kag bisan siya ang indi makapati sa iya nakita. Tuyo karon sang pamuno sang City Health Office nga mausisa kun sin-o ang nagbaligya sang pan os nga fried chicken. Ipausisa niya man ilabi na ang mga ambulant vendors nga nagabaligya sa gwa sang mga ...

Year-end bonus sang mga empleyado sang kapitolyo probinsyal ang ginsugdan na release. Wala labot sini, may gina paabot pa gid nga indi magnubo sa 40,000 pesos nga extra bonus. Depende sa pag process sang tagsa ka departamento, suno kay Provincial Administrator Rayfrando Diaz, may iban nga naka baton na sang ila nga year-end bonus ukon 14th month pay nga equivalent sa isa ka bulan nga sweldo. Ini ang ginsugdan release Nobyembre 15. Sa karon suno kay Diaz gina suguran naman process sang kapitolyo ang para sa Collective Negotiation Incentive nga 25,000 pesos. May gina paabot man ang mga empleyado nga Service Recognition Incentive nga 10,000 pesos, Productivity Enhancement Incentive nga 5,000 nga suma total 40,000 pesos. Ini ang may mga schedule na for releasing. Kay wala na ...

Indi dapat exempted bisan ang mga ambulant vendors ukon ang mga nagalibod kag nagabaligya sang pagkaon. Suno kay Mayor Albee Benitez dapat man sila ma regulate kag magkuha sang mga requirement kasubong sang mga negosyo nga nagabaligya sang pagkaon sa publiko. Ini kasunod sang nag viral nga video kun diin diutayan lang makaon sang estudyante ang gina ulod na nga fried chicken nga nabakal sang iya iloy sa gwa sang Libertad public market. Ginmandu ni Benitez sa City Legal Office nga magtukod sang enforcement unit nga amo ang maga monitor sa mga ambulant vendors sa siudad. Nag ayo man ang alkalde kay Councilor Celia Flor ang chairperson sang Committee on Markets and Slaughterhouse nga magtukod sang ordinansa nga maga regulate sa tanan nga mga ambulant vendors. Nagapati ang...

Walo ang gin pamatbatan sang life imprisonment bangud sang pagbaligya sang iligal nga droga sa 8th National Judgment Day. Apat naman ka iban pa ang napamatbatan not guilty. Pero antes pa man ginpapanaog ni RTC Judge Raymond Joseph Javier ang pamatbat, ginhatagan ang tagsa sa ila sang pamahaw sa kinaandan sa tagsa ka National Judgment Day. Suno kay Judge Javier kabahin man ini sa thanksgiving angut sa anniversary sang Office of the Court Administrator. Una nga ginpamatbatan sang life imprisonment bangud sang pagbaligya sang iligal nga droga si Rodolfo Trinidad, Jr. Siya ang maga bayad man sang multa nga 500,000 pesos. Guilty man siya sa possession ofIllegal drugs kag gin pamatbatan sang 17 ka tuig nga pagkabilanggo kag multa nga 300,000 pesos kag sa kaso nga possession ...

May masobra kinse pesos ang per kilowatt hour nga ginabayaran sang mga kunsomidor sa Central Negros Electric Cooperative. Pero indi malipod ang masami man nga brownout kag ang posible pagsaka pa sa bulanan nga balayran sa kuryente epekto sang pagsaka sang presyo sang produkto petrolyo. Gani isa man ka Power Plan nga gina finalize na ni Mayor Albee Benitez ang iya igaduso kay Presidente Ferdinand Marcos Jr. sa tuyo nga mapanubo kag magtayuyon ang power supply sa Bacolod lakip na probinsya sang Negros Occidental. Nagapati ang alkalde nga paagi sa joint venture sang Local government unit upod sa mga solar power plant kag biomass power plant sa probinsya sarang pa mapanubuan ang presyo sang kuryente sa tres pesos pasaka. Ginsiling man ni Benitez nga bisan indi man madayon ang ...